Lög fyrir félagið Frón
§ 1. Nafn félagsins er Frón. § 2. Frón er félag Íslendinga og Íslandsvina í Færeyjum. § 3. Markmið félagsins er að styðja starfsemi sem nýtast mætti félagsmönnum, t.d. að standa fyrir þorrablóti og 17. júníhátíð. § 4. Félaginu er stjórnað af fimm manna stjórn, sem kosin er á aðalfundi, og situr hver stjórnarmaður í tvö ár. Annað hvert ár eru þrír kosnir í stjórn og hitt árið tveir. Einnig verða kosnir tveir varamenn í stjórnina, sem sitja í eitt ár hver. § 5. Stjórnin skiptir með sér störfum formanns, gjaldkera, ritara og meðstjórnenda. Innan mánaðar frá aðalfundi skal stjórnin senda út fréttabréf til félagsmanna, þar sem tilkynnt er, hvernig stjórnin er skipuð. Stjórnin er starfhæf, þegar meirihluti stjórnarmanna er á fundi. Meirihluta stjórnarmanna þarf til að taka ákvarðanir. Stjórnin heldur fundargerðarbók, sem verður lögð fram á aðalfundi. Stjórnin getur leitað liðsinnis félagsmanna í ákveðnum verkefnum. § 6. Aðalfund skal halda í apríl ár hvert. Boða skal til aðalfundar með í minnsta lagi eins mánaðar fyrirvara. Ársreikninga félagsins skal leggja fram á aðalfundinum til samþykktar. Reikningsárið er frá 1. janúar til 31. desember. § 7. Aðalfundur velur endurskoðanda. § 8. Aðalfundurinn ákveður félagsgjöld fyrir komandi almanaksár. Skiladagur er 31. desember. Þeir félagsmenn, sem greitt hafa félagsgjöld fyrir árið áður, eru atkvæðisbærir og kjörgengir á aðalfundi. § 9. Félagsfundi skal halda, þegar þörf þykir. § 10. Tillögur til breytinga á lögum félagsins skulu hafa b aðalfundinn. Breytingartillögur skulu sendast til félagsmanna með fundarboðunum. Lögum félagsins má breyta á aðalfundi að fengnu samþykki 2/3 hluta atkvæðisbærra félagsmanna, sem á fundinum eru. § 11. Verði félagið lagt niður, skulu eignir þess gerast upp og með samþykki meirihluta fundarmanna renna til góðgerðarsamtaka. Apríl 2010
